عمران خان جیسی سوچ ہو، تو ملک ترقی کرتا ہے: چوہدری پرویز الٰہی

عمران خان جیسی سوچ ہو، تو ملک ترقی کرتا ہے: چوہدری پرویز الٰہی

لاہور: اسپیکر پنجاب اسمبلی اور مسلم لیگ ق کے سینئر رہنما چوہدری پرویز  الٰہی نے کہا ہے کہ عمران خان جیسی سوچ ہو، تب ملک ترقی کرتا ہے.

ان خیالات کا اظہار انھوں نے پبلک پالیسی پر تحقیق کے ادارے پلڈیٹ کے وفد سے گفتگو کرتے ہوئے کیا.

اسپیکر پنجاب اسمبلی نے کہا کہ حکمرانوں کی نیت اورسوچ اچھی ہونی چاہیے، 16بل پاس کر کے تمام اسمبلیوں سے زیادہ قانون سازی کی.

انھوں نے اپنی وزارت اعلیٰ کے زمانے کا ذکر کرتے ہوئے کہا کہ ہم نے اپنے دور میں ادویات فری کیں، میٹرک تک تعلیم فری کی، کتابیں اور یونیفام فری تقسیم کیے.

چوہدری پرویزالٰہی نے کہا کہ محنت اور کوشش سے عوام کے دل جیتے، امن کا قیام،عوام کو سستا ،فوری انصاف فراہم کرنا ہمارا مشن ہے.

خیال رہے کہ گذشتہ روز مسلم لیگ ق کے صدر چوہدری شجاعت حسین نے کہا تھا کہ بلاول کے ٹرین مارچ سے کوئی تبدیلی نہیں آئے گی، اس وقت ضروری ہے کہ عمران خان کا ساتھ دیا جائے.

انھوں نے ملکی معیشت کا حوالہ دیتے ہوئے کہا تھا کہ اس معاملے پر اے پی سی بلانے کی ضرورت ہے.

You may also like...

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.